गावाचे लोकजीवन

  खर्डे (वा.)  हे गाव साधे,कष्टप्रधान आणि पारंपरिक जीवन शैलीसाठी ओळखले जाते.शेती हा गावकरींचा मुख्य व्यवसाय असून,कांदा.मका,बाजरी आणि विविध हंगामी भाजीपाला यांची लागवड मोठ्या प्रमाणात केली जाते.

         गावात सामाजिक सांस्कृतिक व धार्मिक परंपरा दृढपणे जपल्या जातात.वर्षभर साजरे होणारे सन उत्सव ग्राम दैवतांची पूजाअर्चा तसेच श्रीराम नवमी उत्सव हा  गावाच्या एकात्मतेचे प्रतिक मानले जाते.येथे आदिवासी परंपरा आणि संस्कृती चे जतन केले जाते.होळी,गणेशोत्सव,दिवाळी,नवरात्र यासह डोंगऱ्या देव ह्या स्थानिक देवतांचे (निसर्ग) कार्यक्रम मोठ्या उत्साहाने साजरे केले जातात.

         येथील लोक ‘अतिथी देवो भाव, ह्या मूल्यांना आचरणात आणणारे आहेत. येथील लोक मेहनती लोक आहेत. तरूण पिढी शिक्षण, खेळ व रोजगाराच्या संधी शोधून प्रगती कडे वाटचाल करत आहे. खर्डे (वा.) लोकजीवनात धार्मिक  संस्कृती व पारंपारिक ग्रामीण जीवनमान आढळून येते.खर्डे (वा.) गावाची विकासाकडे वाटचालीचे कार्य उत्तम असे सुरु आहे.

आसपासची प्रेक्षणीय स्थळे

• ग्रामदैवताचे मंदिर:-खर्डे (वा.) गावात श्रीराम नवमी  च्या दिवशी संपूर्ण गावातील नागरिक मोठ्या उत्साहाने पूजा करतात.व कालावधीत ३ दिवस यात्रा उत्सव भरतो.

• खर्डे (वा.) गावात हनुमानाचे भव्य दिव्य असे मंदिर आहे. हनुमान मंदिर वस्तीची शोभा वाढवतात.व येथे धार्मिक कार्यक्रम होत असतात.

• खर्डे (वा.) येथे गुरुदत्त मंदिर आहे व येथे ७ दिवस सप्ताह भरवला जातो

• खर्डे (वा.) पासूनच जवळच धोडप किल्ला ,विखाऱ्या पहाड,कांचन किल्ला व वार्शी धरण हे प्रेक्षणीय   स्थळे जवळच आहे

कसे पोहचावे:-

         खर्डे (वा.)  या ठिकाणी येण्यासाठी देवळा येथून बस ने येता येते.